Mazisheti Agrinews10/07/2018

अकोल्यात रासायनिक खतांचा १८ हजार टन साठा उपलब्ध
अकोला : या हंगामासाठी जिल्ह्याला ८३ हजार ५२० टन खतांचा साठा मंजूर झाला असून, सध्या खते मुबलक प्रमाणात उपलब्ध अाहेत, अशी माहिती जिल्हा परिषद कृषी विकास अधिकारी डॉ. मुरली इंगळे यांनी दिली. ३० जूनअखेर जिल्ह्यात १८ हजार २६५ टन खतांचा साठा शिल्लक असल्याचे त्यांनी सांगितले.

नगरमधील बहुतांश भागात अजूनही जोरदार पावसाची प्रतीक्षा कायम
नगर  ः जिल्ह्यात अजूनही चांगल्या पावसाची प्रतीक्षा कायम आहे. दोन दिवसांपासून सगळीकडे जोरदार पाऊस पडत असला, तरी नगर जिल्ह्याच्या सर्वच भागांत पाऊस नाही. त्यामुळे अल्प पावसावरच पेरणी, कापूस लागवड केली जात आहे. रविवारी (ता. ८) फक्त शहरात पाऊस झाला. जिल्ह्यामध्ये ९७ महसूल मंडळापैकी अवघ्या आठ मंडळात पावसाने हजेरी लावली.

पुणे जिल्ह्यात ३८ हजार हेक्टरवर खरिपाची पेरणी
पुणे : जून महिन्यात पडलेल्या पावसाच्या खंडाचा फटका खरीप पेरणीला बसला आहे. पुणे जिल्ह्यात खरिपाचे सरासरी क्षेत्र दोन लाख ३० हजार ८२६ हेक्‍टर आहे. त्यापैकी रविवार अखेरपर्यंत (ता.८) अवघ्या ३८ हजार ५२५ हेक्‍टरवर म्हणजेच सरासरी १६ टक्के क्षेत्रावर पेरणी झाली आहे. गेल्या वर्षीच्या तुलनेत यंदा आतापर्यंत १६ टक्‍क्‍यांनी पेरणी क्षेत्रात घट झाल्याचे दिसून येत असल्याचे कृषी विभागाने सांगितले.   

सातारा जिल्ह्यात सोयाबीनचा ४४ हजार हेक्‍टरवर पेरा
सातारा : जिल्ह्यात खरीप हंगामातील विविध पिकांची ५५.८५ टक्के क्षेत्रावर पेरणी झाली आहे. गतवर्षीप्रमाणे खरिपात सोयाबीन पिकाकडे शेतकऱ्यांचा सर्वाधिक कल असल्याचे दिसून येत आहे. जिल्ह्यात सोयाबीनची सर्वाधिक ४४ हजार ७३३ हेक्‍टर क्षेत्रावर पेरणी झाली आहे, अशी माहिती कृषी विभागाच्या सूत्रांनी दिली.

नगर जिल्ह्यात साडेचार हजार हेक्‍टरवर पीक प्रात्यक्षिके
नगर  : राष्ट्रीय अन्नसुरक्षा अभियान कडधान्य, राष्ट्रीय अन्नसुरक्षा अभियान भरडधान्य आणि राष्ट्रीय अन्नसुरक्षा अभियान गळीतधान्य व तेलताड योजनेअंतर्गत यंदा जिल्ह्यात ४६२० हेक्‍टर क्षेत्रावर पीक प्रात्यक्षिक कार्यक्रम राबवला जात आहे. या कार्यक्रमावर सुमारे तीन कोटी ३१ लाख रुपयांचा खर्च होणार आहे.

नांदेड, परभणी, हिंगोलीत १२ लाख हेक्टरवर पेरणी
नांदेड ः नांदेड, परभणी, हिंगोली जिल्ह्यांत यंदाच्या खरीप हंगामात शनिवार (ता. ७) पर्यंत १२ लाख ३८ हजार २२३ हेक्टरवर (७४.२४ टक्के) पेरणी झाली आहे. पेरणीक्षेत्रामध्ये सोयाबीन ५ लाख ८४ हजार २८७ हेक्टर (४७.१८ टक्के), कपाशी ३ लाख ९३ हजार २७९ हेक्टर (३१.७६ टक्के), तूर १ लाख १७ हजार ४९४ हेक्टर या प्रमुख पिकांचा समावेश आहे. तीनही जिल्ह्यांत सोयाबीनचा पेरा वाढला आहे. कपाशीचे क्षेत्र कमी झाले आहे.